Како да го поставите вашиот нов iPad

Подгответе се да поставите еден целосно нов или претходно користен iPad што бил ресетиран.

Научете како да го поврзете новиот iPad со домашната Wi-Fi мрежа, да поставите лозинка за да ги заштитите вашите информации, да создадете сметка со Apple ИД, да користите апликации и да прегледувате интернет-страници.

Пред да почнете

Во презентациите на овој курс се користи iPad без физичко копче Дома (Home button). Ако вашиот таблет е различен, некои од чекорите може малку да се разликуваат, но сепак ќе можете да ги следите.

Пред да почнете, бидете сигурни дека вашиот iPad е целосно полн и вклучен, дека имате пристап до името и лозинката на домашната Wi-Fi мрежа (home Wi-Fi name and password) и дека имате при рака мобилен телефон (mobile phone). Apple ќе ви прати текстуална порака на тој телефон за да го потврди вашиот идентитет.

Како да изберете јазик и локација

Поздравниот екран (Hello screen) покажува дека вашиот iPad е подготвен за поставување. Изберете го претпочитаниот јазик (во нашата презентација тоа ќе биде англиски јазик (English)) и вашиот регион како Австралија (Australia).

Безбедно е да му кажете на вашиот таблет дека живеете во Австралија. Ова не ја открива вашата домашна адреса и обезбедува дека ќе добивате соодветни ажурирања и информации за австралиски корисници на таблет.

Како да поставите Wi-Fi мрежа

Списокот со достапни Wi-Fi мрежи (Wi-Fi networks) го вклучува и името на вашата домашна Wi-Fi мрежа (your home Wi-Fi network name).

Лозинката (password) може да биде напишана на долниот дел на домашниот рутер.
Големите и малите букви треба точно да се совпаѓаат.
Вашиот iPad ќе се поврзе кога ќе допрете на Приклучи се (Join).

Како да ги поставите податоците и приватноста

Овој дел од поставувањето помага да го заштитите вашиот iPad, па затоа, не заборавајте да ги прочитате внимателно информациите на екранот.

Можете да го прескокнете FaceID и да го поставите подоцна. Погледнете го нашиот курс Безбедност и приватност на iPad (iPad: Security and privacy) за да поставите TouchID.
Изберете шестцифрен код за пристап (passcode). Ако лозинката е лесна, вашиот таблет ќе ви побара да изберете повторно друга лозинка.
Кодот за пристап ќе се потврди (confirmed) кога ќе го внесете вторпат.

Чекорот Обнови од резервна копија на iCloud (Restore from iCloud Backup) може да се прескокне. Изберете Не пренесувај апликации и податоци (Don’t Transfer Apps & Data).

Добро би било да ги запишете Apple ИД и кодот за пристап на безбедно место.

Како да создадете Apple ИД

Ако веќе имате Apple ИД (Apple ID), можете да се најавите тука. Ако ви треба ново Apple ИД, допрете на Ја заборавив лозинката или немам Apple ИД? (Forgot password or don't have an Apple ID?) и потоа Создадете бесплатно Apple ИД (Create a Free Apple ID).

Следете ги чекорите за да создадете ново Apple ИД (Apple ID). Запомнете, во ред е да ги дадете личните информации при поставувањето на Apple ИД. Како дел од процесот за поставување:

бидете сигурни дека создавате силна лозинка (strong password) со мешавина од букви, бројки и големи букви
Apple ќе ви го побара бројот на мобилниот телефон (mobile phone number) и ќе ви прати код (code) во текстуална порака на вашиот мобилен телефон.
внесете го кодот на вашиот iPad за да го потврдите идентитетот.

Чекорот Обнови од резервна копија на iCloud (Restore from iCloud Backup) може да се прескокне. Изберете не пренесувај апликации и податоци (Don’t Transfer Apps & Data).

Крајни чекори за подготовка

Следете ги чекорите на екранот за време на остатокот од поставувањето. Ако не сте сигурни за некоја одлика, можете да ја прескокнете и да ја поставите подоцна. Ви препорачуваме да ги активирате следните важни поставки:

не заборавајте да изберете прифати ажурирања кога се достапни (accept updates when available) за да биде вашиот iPad ажуриран.
Активирај услуги за локација (Enable Location Services) за да го најдете вашиот iPad ако сте го загубиле и за да користите мапи и слични апликации.
зачувувањето на вашите лозинки во iCloud Keychain е безбедно и практично.
изберете Светол режим (Light mode) за менијата да бидат бели (white), или Темен режим (Dark mode) што ги прави менијата црни (menus black).

Како да ја проверите мрежната врска

Статусната лента во горниот дел на екранот покажува еден знак на Wi-Fi. Ако знакот е бел (white), тогаш вашиот таблет е поврзан на Wi-Fi мрежа и подготвен за користење!